غزل
کس درجہ ہے باکمال چہرہ
کہہ دیتا ہے دل کا حال چہرہ
ہے مشکل بہت ہی مسکرانا
ہو غم سے اگر نڈھال چہرہ
بے گرد و غبار فکر صورت
اور روشن رہے خیال چہرہ
بس چہرہ دکھا گیا ہے کوئی
اور ہونے لگا بحال چہرہ
اک انداز پر بنا ہے لیکن
ہر چہرہ ہے بے مثال چہرہ
چہرے میں چھپے ہیں کتنے چہرے
ہے گنتی تری محال چہرہ
جب لگتی ہے دل پہ چوٹ راغبؔ
ہو جاتا ہے پرملال چہرہ
شاعر: افتخار راغبؔ
کتاب: خیال چہرہ
کس درجہ ہے باکمال چہرہ
کہہ دیتا ہے دل کا حال چہرہ
ہے مشکل بہت ہی مسکرانا
ہو غم سے اگر نڈھال چہرہ
بے گرد و غبار فکر صورت
اور روشن رہے خیال چہرہ
بس چہرہ دکھا گیا ہے کوئی
اور ہونے لگا بحال چہرہ
اک انداز پر بنا ہے لیکن
ہر چہرہ ہے بے مثال چہرہ
چہرے میں چھپے ہیں کتنے چہرے
ہے گنتی تری محال چہرہ
جب لگتی ہے دل پہ چوٹ راغبؔ
ہو جاتا ہے پرملال چہرہ
شاعر: افتخار راغبؔ
کتاب: خیال چہرہ
