غزل
اِک طرف باطل کا لشکر میں اکیلا اِک طرف
اور تماشائی بنی ہے ساری دنیا اِک طرف
اِک طرف حد سے زیادہ اپنی طاقت پر غرور
خالقِ کونین پر پورا بھروسا اِک طرف
اِک طرف کبر و ریا مکر و دغا کی بجلیاں
اُلفت و مہر و وفا کا بول بالا اِک طرف
اِک طرف ہیں وقت کے سب اہلِ باطل متّحد
صورتِ کوہِ گراں اِک شخص سچّا اِک طرف
اِک طرف جور و جفا، ظلم و ستم کی آندھیاں
جل رہا ہے اِک دیا صبر و رضا کا اِک طرف
شاعر: افتخار راغبؔ
کتاب: لفظوں میں احساس
اِک طرف باطل کا لشکر میں اکیلا اِک طرف
اور تماشائی بنی ہے ساری دنیا اِک طرف
اِک طرف حد سے زیادہ اپنی طاقت پر غرور
خالقِ کونین پر پورا بھروسا اِک طرف
اِک طرف کبر و ریا مکر و دغا کی بجلیاں
اُلفت و مہر و وفا کا بول بالا اِک طرف
اِک طرف ہیں وقت کے سب اہلِ باطل متّحد
صورتِ کوہِ گراں اِک شخص سچّا اِک طرف
اِک طرف جور و جفا، ظلم و ستم کی آندھیاں
جل رہا ہے اِک دیا صبر و رضا کا اِک طرف
شاعر: افتخار راغبؔ
کتاب: لفظوں میں احساس
