میں نہ ٹھیروں نہ جان تُو ٹھیرے
کون لمحوں کے رُو برو ٹھیرے
نہ گزرنے پہ زندگی گزری
نہ ٹھہرنے پہ چار سُو ٹھیرے
ہے مری بزمِ بے دلی بھی عجیب
دلِ پُر خوں جہاں سبو ٹھیرے
میں یہاں مدتوں میں آیا ہوں
ایک ہنگامہ کُو بہ کُو ٹھیرے
محفلِ رخصتِ ہمیشہ ہے
آؤ اک حشر ہا و ہو ٹھیرے
اک توجہ عجب ہے سمتوں میں
کہ نہ بولوں تو گفتگو ٹھیرے
کج ادا تھی بہت اُمید مگر
ہم بھی جونؔ ایک حیلہ جو ٹھیرے
ایک چاکِ برہنگی ہے وجود
پیرہن ہو تو بے رفو ٹھیرے
میں جو ہوں، کیا نہیں ہوں میں خود بھی
خود سے بات آج دُو بدو ٹھیرے
باغِ جاں سے مِلا نہ کوئی ثمر
جونؔ ہم تو نمو نمو ٹھیرے
جون ایلیا
کون لمحوں کے رُو برو ٹھیرے
نہ گزرنے پہ زندگی گزری
نہ ٹھہرنے پہ چار سُو ٹھیرے
ہے مری بزمِ بے دلی بھی عجیب
دلِ پُر خوں جہاں سبو ٹھیرے
میں یہاں مدتوں میں آیا ہوں
ایک ہنگامہ کُو بہ کُو ٹھیرے
محفلِ رخصتِ ہمیشہ ہے
آؤ اک حشر ہا و ہو ٹھیرے
اک توجہ عجب ہے سمتوں میں
کہ نہ بولوں تو گفتگو ٹھیرے
کج ادا تھی بہت اُمید مگر
ہم بھی جونؔ ایک حیلہ جو ٹھیرے
ایک چاکِ برہنگی ہے وجود
پیرہن ہو تو بے رفو ٹھیرے
میں جو ہوں، کیا نہیں ہوں میں خود بھی
خود سے بات آج دُو بدو ٹھیرے
باغِ جاں سے مِلا نہ کوئی ثمر
جونؔ ہم تو نمو نمو ٹھیرے
جون ایلیا
