دل دے ہتھ مہار

دل دے ہتھ مہار
ساڈی دل دے ہتھ مہار پیا
ساڈی دل دے ہتھ مہار۔۔۔۔
**********
ساڈا علم دے نال یرانا ہے
ساڈے کول یقین پرانا ہے
سانوں ہر شے تے اِتبار پیا
ساڈی دل دے ہتھ مہار پیا
ساڈی دل سے ہتھ مہار۔۔۔۔
**********
بھانویں کنڈیاں دے وِچ لَے نَسّے
بھاویں چِکڑاں دے وِچ جا پھَسّے
ساڈے پکے قول قرار پیا
ساڈی دل دے ہتھ مہار پیا
ساڈی دل دے ہتھ مہار۔۔۔۔
**********
سانوں دُھپّاں ہیٹھ وی ٹھڈھ سائیں
ساڈے سِر تے لاج دی گڈھ سائیں
ساڈے موڈھے عشق دا بھَار پیا
ساڈی دل دے ہتھ مہار پیا
ساڈی دل دے ہتھ مہار۔۔۔۔
**********
ساڈی دُھپاں ساجھیاں رُکھاں نل
نالے بھاجیاں جانجیاں دُکھاں نل
جگراتیاں نال وپار پیا
ساڈی دل دے ہتھ مہار پیا
ساڈی دل دے ہتھ مہار۔۔۔۔
**********
ساہ پَکھی ٹھڈھیاں ہاواں دی
لَب تَسبی ذِکر اَداواں دی
اَکھ رووے زار قطار پیا
ساڈی دل دے ہتھ مہار پیا
ساڈی دل دے ہتھ مہار۔۔۔۔
فرحت عباس شاہ