د قافلو هادي

د قافلو هادي
باز د هــــــندوکــش یمه اتل د لــوړو غرو یمه
ننګ یمه، غیرت یمه، بڅرکی د زلــــزلـــو یمه
رېږدي زما له تورې ددښمن زړه لاپه قبر کې
اور یمه طوفان یم مــــــحرک د پښــــتنو یمه
ولس لرم وطن لرم ماضي او مســـتقبل لرم
بهـــنده تاریخ یــم مــــوألد د حــــــادثو یمـــه
لاس د تجاوز ته د هـیواد په هره پـــيڅه کې
تندر یم سېلاب یمه برېښنا د اســـمانو یمه
توره د غضب یم دښمــــني د دښمــــنانو ته
خپلو سره خپل یمـــه شـــکره د شــودو یمه
څوک یمــه؟ ســپایي د آزادۍ او افتخار یمــه
زوی د لوی افغان او قهــــرمان د مـــعرکو یمه
نوي ژوند ته لارکـــوم له نویـــو ارمــــانو سره
ځوان یمــه افغــان یمــه هــادي د قـافلو یمه
سلیمان لایق