Зинда Шавад Ҳар Кӣ Пеши Дӯст Бимирад,

Зинда шавад ҳар кӣ пеши дӯст бимирад,
Мурдадил аст он кӣ ҳеҷ дӯст нагирад!
Ҳар кӣ зи завқаш даруни сина сафо нест,
Ҷамъи дилаш рози шоҳиде нагузирад.
Ғолиби ишқӣ, диле чу мум ба даст ор!
Санги сияҳ сурати нигин напазирад.
Сад чу мани хаста дар фироқи ту мирад,
В-он ки туро бинаду ба дӯст нагирад!
Сурати сангиндиле кушандаи Саъдист,
Ҳар кӣ бад-ин сураташ кушанд, намирад!