Гарам Роҳат Расонй, В-Ар Газоӣ,

Гарам роҳат расонй, в-ар газоӣ,
Муҳаббат бар муҳаббат мефазоӣ.
Ба шамшер аз ту бегона нагардам,
Ки ҳаст аз дергаҳ боз ошной!
Ҳама мурғон халос аз банд хоҳанд,
Ман аз қайдат намехоҳам раҳоӣ!
Уқубат ҳар чи з-он душвортар нест,
Бар онам сабр ҳаст, илло ҷудоӣ!
Агар бегонагон ташриф бахшанд,
Ҳанӯз аз дӯстон хуштар гадоӣ!
Манам ҷонову ҷоне бар лаб аз шавқ,
Бидеҳ, гар бӯсае дорй, баҳоӣ!
Касоне айби мо бинанду гӯянд,
Ки рӯҳонӣ надонанд аз ҳавоӣ.
Ҷамеи порсоён гӯ бидонанд,
Ки Саъдӣ тавба кард аз порсоӣ!
Чунон аз хамру аз мизмору ноқус
Наметарсам, ки аз зӯҳри риёӣ!