دو گام گر چلو گے کسی اجنبی کے ساتھ
الزام بھی ملے گا تمہیں دوستی کے ساتھ
پہرے لگا کے عشق پہ رختِ سفر دیا
تھا یہ بھی اک مذاق مری رہروی کے ساتھ
واعظ کو میری طرزِ عبادت پہ اعتراض
شرطیں وہ باندھتا ہے مری بندگی کے ساتھ
کیا وقت آ پڑا ہے محبت میں دوستو
رسمِ وفا نبھاتے ہیں شرمندگی کے ساتھ
خوف وہراس پھیلا تھا اس درجہ ہر طرف
دیکھا ہے زندگی کو سراسیمگی کے ساتھ
چلتا رہا میں تیرا تصور لیے ہوئے
میں نے سفر کیا ہے اسی روشنی کے ساتھ
میں سادہ لوح ہوتے ہوئے بھی تھا ہوشمند
کچھ عقل بھی رہی ہے میری سادگی کے ساتھ
لوٹا گیا ہے جب سے قمر تیرے شہر میں
بنتی ہے خوب اس کی آب آوارگی کے ساتھ
سید ارشاد قمر
الزام بھی ملے گا تمہیں دوستی کے ساتھ
پہرے لگا کے عشق پہ رختِ سفر دیا
تھا یہ بھی اک مذاق مری رہروی کے ساتھ
واعظ کو میری طرزِ عبادت پہ اعتراض
شرطیں وہ باندھتا ہے مری بندگی کے ساتھ
کیا وقت آ پڑا ہے محبت میں دوستو
رسمِ وفا نبھاتے ہیں شرمندگی کے ساتھ
خوف وہراس پھیلا تھا اس درجہ ہر طرف
دیکھا ہے زندگی کو سراسیمگی کے ساتھ
چلتا رہا میں تیرا تصور لیے ہوئے
میں نے سفر کیا ہے اسی روشنی کے ساتھ
میں سادہ لوح ہوتے ہوئے بھی تھا ہوشمند
کچھ عقل بھی رہی ہے میری سادگی کے ساتھ
لوٹا گیا ہے جب سے قمر تیرے شہر میں
بنتی ہے خوب اس کی آب آوارگی کے ساتھ
سید ارشاد قمر
