نہ عزّت ٹوٹے پتّوں

غزل
نہ عزّت ٹوٹے پتّوں کی
نہ شہرت ٹوٹے پتّوں کی
شجر سے مت کبھی کہنا
حکایت ٹوٹے پتّوں کی
ہواؤں کو پسند آئی
رفاقت ٹوٹے پتّوں کی
بہت مشکل سمجھنا ہے
طبیعت ٹوٹے پتّوں کی
حقیقت میں نہیں کوئی
حقیقت ٹوٹے پتّوں کی
کہاں سے دل میں در آئی
محبت ٹوٹے پتّوں کی
اپاہج پیڑ کیا کرتے
حمایت ٹوٹے پتّوں کی
نہیں سنتا کوئی راغبؔ
شکایت ٹوٹے پتّوں کی
اگست ۲۰۱۳ء غیر طرحی
شاعر: افتخار راغبؔ
کتاب: غزل درخت
Share:

Leave a Reply

Your email address will not be published. Required fields are marked *