غزل
مِری تقدیر ہی اچھّی نہیں تھی
تِری شمشیر ہی اچھّی نہیں تھی
میں ہر دم قید رہنا چاہتا تھا
تِری زنجیر ہی اچھّی نہیں تھی
میں خط لکھتا اُسے تو کیسے لکھتا
مِری تحریر ہی اچھّی نہیں تھی
تمھارا وار دانستہ تھا ہلکا
کہ نوکِ تیر ہی اچھّی نہیں تھی
ہمارے خواب تو دل کش تھے راغبؔ
مگر تعبیر ہی اچھّی نہیں تھی
شاعر: افتخار راغبؔ
کتاب: لفظوں میں احساس
مِری تقدیر ہی اچھّی نہیں تھی
تِری شمشیر ہی اچھّی نہیں تھی
میں ہر دم قید رہنا چاہتا تھا
تِری زنجیر ہی اچھّی نہیں تھی
میں خط لکھتا اُسے تو کیسے لکھتا
مِری تحریر ہی اچھّی نہیں تھی
تمھارا وار دانستہ تھا ہلکا
کہ نوکِ تیر ہی اچھّی نہیں تھی
ہمارے خواب تو دل کش تھے راغبؔ
مگر تعبیر ہی اچھّی نہیں تھی
شاعر: افتخار راغبؔ
کتاب: لفظوں میں احساس
