غزل
کہاں تھا اتنا محبت کا نور آنکھوں میں
کسی نے دیکھ لیا ہے حضور آنکھوں میں
یقیں نہیں تو ذرا جھانک کر کبھی دیکھو
کسی کا عکس ہے پنہاں ضرور آنکھوں میں
نہ دیکھ اتنی محبت سے میری آنکھوں کو
بکھر نہ جائے غبارِ غرور آنکھوں میں
امیدِ عدل ہے تجھ کو اگر عدالت سے
تو کیوں ہے خوف تری بے قصور آنکھوں میں
نشاط بخش نگاہیں تو خوش نما چہرہ
ترے ہی دم سے ہے کیف و سرور آنکھوں میں
مرے قلم میں رہے روشنی محبت کی
بکھیرتا رہوں الفت کا نور آنکھوں میں
تمام عمر نہ چُن پائے کرچیاں راغبؔ
ہوا تھا خواب کوئی چور چور آنکھوں میں
شاعر: افتخار راغبؔ
کتاب: یعنی تُو
کہاں تھا اتنا محبت کا نور آنکھوں میں
کسی نے دیکھ لیا ہے حضور آنکھوں میں
یقیں نہیں تو ذرا جھانک کر کبھی دیکھو
کسی کا عکس ہے پنہاں ضرور آنکھوں میں
نہ دیکھ اتنی محبت سے میری آنکھوں کو
بکھر نہ جائے غبارِ غرور آنکھوں میں
امیدِ عدل ہے تجھ کو اگر عدالت سے
تو کیوں ہے خوف تری بے قصور آنکھوں میں
نشاط بخش نگاہیں تو خوش نما چہرہ
ترے ہی دم سے ہے کیف و سرور آنکھوں میں
مرے قلم میں رہے روشنی محبت کی
بکھیرتا رہوں الفت کا نور آنکھوں میں
تمام عمر نہ چُن پائے کرچیاں راغبؔ
ہوا تھا خواب کوئی چور چور آنکھوں میں
شاعر: افتخار راغبؔ
کتاب: یعنی تُو
