کھو جانے کا، کھو دینے کا مطلب جانتے ہو؟
پھر اس حال میں جی لینے کا مطلب جانتے ہو؟
“لا” کی منزل پا لینا آسان نہیں ہوتا
کیا ہو کر بھی نہ ہونے کا مطلب جانتے ہو؟
ویسے تو ہر چیز فنا کی جانب چلتی ہے
زندہ رہ کر مر جانے کا مطلب جانتے ہو؟
ساری باتیں کہہ دیتے ہو کس آسانی سے
کیا تم میرے چُپ رہنے کا مطلب جانتے ہو؟
چھوڑ کے جانے والے تم کو کیسا ہے اب ڈر؟
اللہ حافظ کہہ دینے کا مطلب جانتے ہو؟
بے حالی ہے، بے حالی، یہ بے حالی ہے بس!
ہنستے ہنستے رو پڑنے کا مطلب جانتے ہو؟
زین شکیل
پھر اس حال میں جی لینے کا مطلب جانتے ہو؟
“لا” کی منزل پا لینا آسان نہیں ہوتا
کیا ہو کر بھی نہ ہونے کا مطلب جانتے ہو؟
ویسے تو ہر چیز فنا کی جانب چلتی ہے
زندہ رہ کر مر جانے کا مطلب جانتے ہو؟
ساری باتیں کہہ دیتے ہو کس آسانی سے
کیا تم میرے چُپ رہنے کا مطلب جانتے ہو؟
چھوڑ کے جانے والے تم کو کیسا ہے اب ڈر؟
اللہ حافظ کہہ دینے کا مطلب جانتے ہو؟
بے حالی ہے، بے حالی، یہ بے حالی ہے بس!
ہنستے ہنستے رو پڑنے کا مطلب جانتے ہو؟
زین شکیل
