کس دنیا میں آن بسے ہو

“کس دنیا میں آن بسے ہو”
دو، تِن دن ای لوکاں تینوں
اپنے سینے لا کے چُوٹھی مُوٹھی تیرا بن جانا اے
جھلیا تینوں، ایہہ دنیا ہُن،
تیرے درد ونڈاون والی، اَجے وی دنیا لگدی اے؟
کرماں والی ماں دیا جایا!
سادیا ماہیا!
ایہہ دنیا او دنیا نئیں جو دسدی پئی اے
باہروں لوکی چِٹّے، اندروں کالے نی
باہواں کھُلیاں، دل تے روح تے تالے نی
راتیں اٹھ اٹھ رووَن والی ماں دیا چنّا!
اپنے ہنجو کَج کے رکھیں
جھلیا ایویں رُوڑھیاں اُتّے، موتی تے نئیں رولی دے
رب اَگے تاں سمجھ وی آوے،
ہر بندے دے اگے ای ہُن اتھرو تے نئیں ڈولھی دے
سادیا لوکا! پَلّے بنھ لے
دو، تِن دن ای لوکاں تینوں،
اپنے سینے لا کے رکھنا اے۔۔۔
اپنے ہنجو کَج کے رکھیں
جگ دا ہاسا بن جاویں گا۔۔۔۔۔
زین شکیل