اب کون کہے تم سےمجھے

اب کون کہے تم سے
مجھے یاد نہیں کرنا
مجبور نہیں ہونا
اب کون کہے تم سے
وحدت کو سمجھ کر بھی
منصور نہیں ہونا
اب کون کہے تم سے
گر ساتھ نہ رہ پائیں
تم دور نہیں ہونا
اب کون کہے تم سے
لوگوں سے چھپے رہنا
مشہور نہیں ہونا
اب کون کہے تم سے
یہ ہجر ہمیں اب کے
منظور نہیں ہونا
اب کون کہے تم سے
تم نور ہمارے ہو
بے نور نہیں ہونا
زین شکیل
Share:

Leave a Reply

Your email address will not be published. Required fields are marked *