بخشش نرگس صنم، دَور بہ دَور، دم بہ دم

بخشش نرگس صنم، دَور بہ دَور، دم بہ دم
مینا بہ مینا، مے بہ مے، جام بہ جام، جم بہ جم
حالے بے علاتگی قاتلہ ہے سو چاہیے
ایک غزل، غزل غزال اور غزال رم بہ رم
زندہ کرو دیار کو حالت خوار خوار کو
شور بہ شور، شب بہ شب نالہ بہ نالہ، نم بہ نم
ایک وصال ہے کہ ہے ایک فراق ہے کہ ہے
حال بہ حال ہم بہ ہم کیف بہ کیف کم بہ کم
میں تو ہوں زندہ آج بھی اب نئے سر سے کچھ کرو
حیلہ بہ حیلہ زو بہ زو زخم بہ زخم سم بہ سم
ایک خراب کارئ تیشہ بہ تیشہ چاہیے
کوچہ بہ کوچہ زو بہ زو خانہ بہ خانہ خم بہ خم
یار ہماری داستاں نوحہ ہے اور نوحہ حواں
ہائے بہ ہائے ہو بہ ہو حیف بہ حیف ہم بہ ہم
ورثہ عجیب شبیہ کا جون تمہیں دیا گیا
آہ بہ آہ اف بہ اف غزوہ بہ غزوہ غم بہ غم
شانہ بہ شانہ رشتہ ہے اور ترے مو بہ مو سے ہے
حلقہ بہ حلقہ سر بہ سر تار بہ تار خم بہ خم
ذات کا نشہ ہے عجب جس کی ہے تشنگی غضب
دور بہ دور دل بہ دل دور بہ دور دم بہ دم
جون ایلیا