آپ نے آج تو کمال کیا

آپ نے آج تو کمال کیا
ہم غریبوں کا کچھ خیال کیا
اپنی بس اک نگاہِ الفت سے
میرے جیسوں کو مالا مال کیا
میرے دکھ کے مقابلے میں کیوں
تم نے اک غیر کا ملال کیا
میں نے پوچھا کہ میرے کون ہو تم
اس نے الٹا مجھے سوال کیا
پہلے دھڑکن درست کی میں نے
اور پھر سانس کو بحال کیا
عمر بھر سو نہیں سکا فرحت
غم نے میرا عجیب حال کیا
بس خبردار جو کبھی تم نے
شام کے بعد مجھ کو کال کیا
یہی لکھا تھا اپنی قسمت میں
عمر بھر ہجر سے وصال کیا
فرحت عباس شاہ