اَفشا
راز محدود نہیں
سوچ کے جلتے ہوئے پر
کسی مفلوک کی دانائی کا انجام بنے راکھ ہوئے
عقل اک دائرہ ارض و سما، اور محدود
طائرِ خواب بھی جا سکتا نہیں اس سے پَرے
اور ہمیشہ اسی دیوار کے پاس
نارسائی پہ گرا
ایک اک لمحہِ بینا کسی اسرار کے پاس
اور مسدود ہوا
راز مسدود نہیں
لوٹ آیا ہے کئی بار
تہی دست نشانات لیے
حیطہِ امکان حدِ فاصل سے
پار کی جا نہ سکی کوئی لکیر
نقطہِ ضو سے خطِ فاضل سےt
۔۔۔۔۔۔۔۔۔۔۔۔۔۔
راز امکان نہیں
کوئی امکان بھی ممکن نہیں اظہار بِنا
آنکھ امکان ہے
دل امکاں ہے
زیست امکان اجل امکاں ہے
درد امکان ہے ڈر امکاں ہے
روح امکان ہے جاں امکاں ہے
صورتِ کون و مکاں امکاں ہے
۔۔۔۔۔۔۔۔۔۔۔۔۔۔
راز اقرار نہیں ہو سکتا
مر گئی بیخ کنی اپنی جنوں خیزی میں
اور ہوا صیغہِ اظہار کسی تیزیِ گفتار میں گُم
جس طرح سایہ کوئی سایہِ دیوار میں گُم
شہر ویران ہو یا دشتِ تمنا کی طرح اور بھی آزار میں گُم
ہر کس و ناکسِ حیران ہے اسرار میں گُم
۔۔۔۔۔۔۔۔۔۔۔۔۔۔
راز آواز نہیں
راز چُپ بھی تو نہیں
راز ہر صوت کے ممکن کی نگہداری ہے
رات ہر ساز کے الہام کی سرشاری ہے
راز اقرار سے انکاری ہے مگر سرد نہیں
راز اک فرد نہیں ہے کہ نظر آئے بھٹکتا پھرتا
عارضِ زرد لیے
پیرہن گرد لیے
راز انداز نہیں
قریہِ لاہوت نہیں
حادثہ ہائے مقدر کی طرح
تختیِ وقت پہ مبہوت نہیں
روح کی تار نہیں
روح کی تار میں پیوست کوئی خار نہیں
راز اندوہ نہیں
راز پتھر ہے نہ آنسو کوئی
راز تتلی ہے نہ جگنو کوئی
راز بیمار نہیں
۔۔۔۔۔۔۔۔۔۔۔۔۔۔
راز القاء بھی نہیں
راز مقدر بھی نہیں
راز افسردہِ خاطر نہیں آلائشِ گم گشتہ میں
ہر فنا
اور فنا کار کی تدبیرِ عمل اپنی ہے
سارے اسباب و علل
عِلّت و معلول کی عادات میں
افکار کے عرفان سے ارفع اعلیٰ
ماورا حکم کے پابند ہیں
اور ثبوتاژ کا ادراکِ نہاں
باعثِ افسوس نہیں
۔۔۔۔۔۔۔۔۔۔۔۔۔۔
راز اک حکمِ ورا بھی تو نہیں
راز بھگوان نہیں
راز خدا بھی تو نہیں
راز لا سلسلہِ صوم و صلوٰۃ
راز واماندہِ درگاہ نہیں
راز اک بھٹکی ہوئی آہ نہیں
راز دلدادہ سلطانی نہیں جاہ نہیں
۔۔۔۔۔۔۔۔۔۔۔۔۔۔
راز مخطوطہِ یزدان نہیں
راز درویش نہیں
راز سلطان نہیں
راز انسان نہیں
راز آسان نہیں
راز وجدان نہیں
۔۔۔۔۔۔۔۔۔۔۔۔۔۔
راز پرتو بھی نہیں
راس تو سورج بھی نہیں لَو بھی نہیں
راز اشیاء ہیں برائے ازخود
اور نہ از خود ہے برائے اشیاء
راز اندھیرا بھی نہیں ضو بھی نہیں
سُرخیِ شام نہیں پَو بھی نہیں
۔۔۔۔۔۔۔۔۔۔۔۔۔۔
راز گو سلسلہِ جاری و ساری بھی نہیں
راز یک گو نہ تعطّل بھی نہیں
راز تو طرزِ انا الحق سے بھی مذکور نہیں
راز بالا ہے ہر اک کیفیتِ حِسّ کے تغیر سے
تبدّل سے بھی
راز اوراق میں مسطور نہیں
کھو گئی عالمِ وجدان میں القاء
تو پیمبر نہ ہوا طرزِ ریاضت کوئی
راز مجبور نہیں
۔۔۔۔۔۔۔۔۔۔۔۔۔۔
راز بے نام ہے
پر خام نہیں
وقت کی شاخ اگی ہے اس پر
کوئی دل کہہ کے پلٹتا ہے کوئی جاں بھی نہیں کہہ سکتا
کوئی کہتا ہے کہ حصہ ہے خداوند کی
حکمت کے تب و تاب کی زیبائی کا
کوئی کہتا ہے کہ قصّہ ہے شکیبائی کا
راز آغاز ہے، انجام ہے، ابہام ہے
ناکام نہیں
۔۔۔۔۔۔۔۔۔۔۔۔۔۔
راز موہوم نہیں
راز اگر چہ ہے ابھی نامعلوم
راز معدوم نہیں
۔۔۔۔۔۔۔۔۔۔۔۔۔۔
راز الحاد نہیں
گو کہ کسی خفتہ اکائی میں کہیں گُم سُم ہے
پھر بھی
ہر سوئے ازل
سوئے ازل ہے اور پھر
کوئی بھی تارِ ابد دائرہِ رحمِ کمالات سے آزاد نہیں
راز آباد ہے برباد نہیں
راز بنیاد ہے
آنسو سے نکل جائے تو رہ جاتا ہے اک قطرہ آب
راز دھڑکن میں ہے
سینے سے نکل جائے تو پتھر رہ جائے
۔۔۔۔۔۔۔۔۔۔۔۔۔۔
روح کی روح اسی سطحِ معانی پہ ہے
اک دانہ گندم کی طرح
راز گر راز نہ رہ پائے تو عظمت کیا ہے
سوچ کے جلتے ہوئے پَر
کسی مفلوک کی دانائی کا انجام بنے راکھ ہوئے
۔۔۔۔۔۔۔۔۔۔۔۔۔۔
فرحت عباس شاہ
(کتاب – دکھ بولتے ہیں)===============================
افغانستان
اللہ کی رسّی
یہ کہاں کی مسلمانی ہے؟
اپنی اپنی رسیاں پکڑے پھرتے رہو
ادھڑی ہوئی، کمزور
الگ الگ ریشوں والی
آئینے ٹوٹ چکے ہیں تو پانی تلاش کرو
کیا تمہیں بہتا ہوا خون تمہارا چہرہ نہیں دکھاتا
اپنی اپنی داڑھیوں پہ
اپنی اپنی ٹپکتی ہوئی رال
صاف ہی کر لو تو اچھا ہے
مزید ٹپکنے سے روک بھی لو
گھن آتی ہے
خوف کھاؤ ان مکھیوں سے
جو تمہارے مرنے کے بعد
تمہاری لاشوں پر بھنبھنائیں گی
فرحت عباس شاہ
راز محدود نہیں
سوچ کے جلتے ہوئے پر
کسی مفلوک کی دانائی کا انجام بنے راکھ ہوئے
عقل اک دائرہ ارض و سما، اور محدود
طائرِ خواب بھی جا سکتا نہیں اس سے پَرے
اور ہمیشہ اسی دیوار کے پاس
نارسائی پہ گرا
ایک اک لمحہِ بینا کسی اسرار کے پاس
اور مسدود ہوا
راز مسدود نہیں
لوٹ آیا ہے کئی بار
تہی دست نشانات لیے
حیطہِ امکان حدِ فاصل سے
پار کی جا نہ سکی کوئی لکیر
نقطہِ ضو سے خطِ فاضل سےt
۔۔۔۔۔۔۔۔۔۔۔۔۔۔
راز امکان نہیں
کوئی امکان بھی ممکن نہیں اظہار بِنا
آنکھ امکان ہے
دل امکاں ہے
زیست امکان اجل امکاں ہے
درد امکان ہے ڈر امکاں ہے
روح امکان ہے جاں امکاں ہے
صورتِ کون و مکاں امکاں ہے
۔۔۔۔۔۔۔۔۔۔۔۔۔۔
راز اقرار نہیں ہو سکتا
مر گئی بیخ کنی اپنی جنوں خیزی میں
اور ہوا صیغہِ اظہار کسی تیزیِ گفتار میں گُم
جس طرح سایہ کوئی سایہِ دیوار میں گُم
شہر ویران ہو یا دشتِ تمنا کی طرح اور بھی آزار میں گُم
ہر کس و ناکسِ حیران ہے اسرار میں گُم
۔۔۔۔۔۔۔۔۔۔۔۔۔۔
راز آواز نہیں
راز چُپ بھی تو نہیں
راز ہر صوت کے ممکن کی نگہداری ہے
رات ہر ساز کے الہام کی سرشاری ہے
راز اقرار سے انکاری ہے مگر سرد نہیں
راز اک فرد نہیں ہے کہ نظر آئے بھٹکتا پھرتا
عارضِ زرد لیے
پیرہن گرد لیے
راز انداز نہیں
قریہِ لاہوت نہیں
حادثہ ہائے مقدر کی طرح
تختیِ وقت پہ مبہوت نہیں
روح کی تار نہیں
روح کی تار میں پیوست کوئی خار نہیں
راز اندوہ نہیں
راز پتھر ہے نہ آنسو کوئی
راز تتلی ہے نہ جگنو کوئی
راز بیمار نہیں
۔۔۔۔۔۔۔۔۔۔۔۔۔۔
راز القاء بھی نہیں
راز مقدر بھی نہیں
راز افسردہِ خاطر نہیں آلائشِ گم گشتہ میں
ہر فنا
اور فنا کار کی تدبیرِ عمل اپنی ہے
سارے اسباب و علل
عِلّت و معلول کی عادات میں
افکار کے عرفان سے ارفع اعلیٰ
ماورا حکم کے پابند ہیں
اور ثبوتاژ کا ادراکِ نہاں
باعثِ افسوس نہیں
۔۔۔۔۔۔۔۔۔۔۔۔۔۔
راز اک حکمِ ورا بھی تو نہیں
راز بھگوان نہیں
راز خدا بھی تو نہیں
راز لا سلسلہِ صوم و صلوٰۃ
راز واماندہِ درگاہ نہیں
راز اک بھٹکی ہوئی آہ نہیں
راز دلدادہ سلطانی نہیں جاہ نہیں
۔۔۔۔۔۔۔۔۔۔۔۔۔۔
راز مخطوطہِ یزدان نہیں
راز درویش نہیں
راز سلطان نہیں
راز انسان نہیں
راز آسان نہیں
راز وجدان نہیں
۔۔۔۔۔۔۔۔۔۔۔۔۔۔
راز پرتو بھی نہیں
راس تو سورج بھی نہیں لَو بھی نہیں
راز اشیاء ہیں برائے ازخود
اور نہ از خود ہے برائے اشیاء
راز اندھیرا بھی نہیں ضو بھی نہیں
سُرخیِ شام نہیں پَو بھی نہیں
۔۔۔۔۔۔۔۔۔۔۔۔۔۔
راز گو سلسلہِ جاری و ساری بھی نہیں
راز یک گو نہ تعطّل بھی نہیں
راز تو طرزِ انا الحق سے بھی مذکور نہیں
راز بالا ہے ہر اک کیفیتِ حِسّ کے تغیر سے
تبدّل سے بھی
راز اوراق میں مسطور نہیں
کھو گئی عالمِ وجدان میں القاء
تو پیمبر نہ ہوا طرزِ ریاضت کوئی
راز مجبور نہیں
۔۔۔۔۔۔۔۔۔۔۔۔۔۔
راز بے نام ہے
پر خام نہیں
وقت کی شاخ اگی ہے اس پر
کوئی دل کہہ کے پلٹتا ہے کوئی جاں بھی نہیں کہہ سکتا
کوئی کہتا ہے کہ حصہ ہے خداوند کی
حکمت کے تب و تاب کی زیبائی کا
کوئی کہتا ہے کہ قصّہ ہے شکیبائی کا
راز آغاز ہے، انجام ہے، ابہام ہے
ناکام نہیں
۔۔۔۔۔۔۔۔۔۔۔۔۔۔
راز موہوم نہیں
راز اگر چہ ہے ابھی نامعلوم
راز معدوم نہیں
۔۔۔۔۔۔۔۔۔۔۔۔۔۔
راز الحاد نہیں
گو کہ کسی خفتہ اکائی میں کہیں گُم سُم ہے
پھر بھی
ہر سوئے ازل
سوئے ازل ہے اور پھر
کوئی بھی تارِ ابد دائرہِ رحمِ کمالات سے آزاد نہیں
راز آباد ہے برباد نہیں
راز بنیاد ہے
آنسو سے نکل جائے تو رہ جاتا ہے اک قطرہ آب
راز دھڑکن میں ہے
سینے سے نکل جائے تو پتھر رہ جائے
۔۔۔۔۔۔۔۔۔۔۔۔۔۔
روح کی روح اسی سطحِ معانی پہ ہے
اک دانہ گندم کی طرح
راز گر راز نہ رہ پائے تو عظمت کیا ہے
سوچ کے جلتے ہوئے پَر
کسی مفلوک کی دانائی کا انجام بنے راکھ ہوئے
۔۔۔۔۔۔۔۔۔۔۔۔۔۔
فرحت عباس شاہ
(کتاب – دکھ بولتے ہیں)===============================
افغانستان
اللہ کی رسّی
یہ کہاں کی مسلمانی ہے؟
اپنی اپنی رسیاں پکڑے پھرتے رہو
ادھڑی ہوئی، کمزور
الگ الگ ریشوں والی
آئینے ٹوٹ چکے ہیں تو پانی تلاش کرو
کیا تمہیں بہتا ہوا خون تمہارا چہرہ نہیں دکھاتا
اپنی اپنی داڑھیوں پہ
اپنی اپنی ٹپکتی ہوئی رال
صاف ہی کر لو تو اچھا ہے
مزید ٹپکنے سے روک بھی لو
گھن آتی ہے
خوف کھاؤ ان مکھیوں سے
جو تمہارے مرنے کے بعد
تمہاری لاشوں پر بھنبھنائیں گی
فرحت عباس شاہ
