ترے وجود سے قائم

ترے وجود سے قائم
اے ارض دل
مری سانسوں کی لرزشوں میں نہاں
ترے لیے مری جاگی ہوئی دعا کا وجود
مرے یقین میں شامل ہے خاک پاک تری
کہ ذرے ذرے سے لودے اٹھے خدا کا وجود
مری نگاہیں تشکر کے آنسوؤں سے سجیں
میں جب بھی چھو لوں تری سکھ بھری فضا کا وجود
مرے غموں کے چرگوں میں جگمگاتا ہوا
دمک رہا ہے تری مشکلوں کی برکت سے
مرے ضمیر کا چہرہ مری انا کا وجود
ترا وجود ہے قائم تو وقت قائم ہے
ترا وجود ہے قائم تو ہے ہوا موجود
ترا وجود ہے باقی تو میں بھی باقی ہوں
ترے وجود سے قائم مری وفا کا وجود
فرحت عباس شاہ