سُکّے دریا ڈھولا

سُکّے دریا ڈھولا
سُکّے دریا ڈھولا
ساہ دا وساہ کوئی نا
کدیں ملن تاں آ ڈھولا
********
رات ہنیری اے
اَج چکوریاں نوں
تیری لوڑ ودھیری اے
********
کونج پیاسی اے
ہر پاسے جدائی اے
ہر پاسے اداسی اے
********
امباں دا بُور ہوئے
ڈھول مسافر دی
ہر مشکل دُور ہوئے
********
کدیں لگّی نہ لُو ڈھولا
کچّے انار وچوں
آوے تیری خُشبو ڈھولا
********
گرم تندور ہوندے
دِل دے وس پے کے
وڈّے وڈّے مجبور ہوندے
********
پکّی مکئی ماہیا
جھات محبتاں دی
ساڈی رُوح اِچ پئی ماہیا
********
بخت نصیب ہونھّی
نیتاں دا چنگا ہیں
شالا تخت نصیب ہونھّی
فرحت عباس شاہ