ګيله

ګيله
زمـــا دردونـــــه کـــــه دوا نـــه لـــــري
د تا ښایــــــست هم څـه بقا نه لري
د پېغلتوب په شرنګ مغـروره مه شه
دا یــــوه بـــرېښــــنا ده او وفـا نه لري
ماته وعـــدې د نن سبــــــــا مــه کوه
عمر مهلت د نن ســـــــــــــبا نه لري
سترګې چې ژاړي ګناه ګارې نه دي
د غـــم چينــــې بلــــــه متا نــه لري
لېــونی زړه مــې وایه چـــــاته بوزم؟
هغه بـــــــل لـــــوری بلــــه تا نه لري
زمـــا د صـــــبر پیــــــاله ډکـــه شوله
د تا عــــــــــذرونه انتــــها نـــــــه لري
سلیمان لایق