منقبت
حضرت علی کے لئے
دہر جُز جلوہ یکتائِ معشوق نہیں
ہم کہاں ہوتے اگر حسن نہ ہوتا خود بیں
بے دلی ہائے تماشا کہ نہ عبرت ہے نہ ذوق
بے کسی ہائے تمنّا کہ نہ دنیا ہے نہ دیں
ہَرزه ہے نغمۂ زیروبمِ ہستی و عدم
لغو ہے آئینۂ فرقِ جنون و تمکیں
نقشِ معنی ہمہ خمیازہ عرضِ صورت
سخنِ حق ہمہ پیمانۂ ذوقِ تحسیں
لافِ دانش غلط و نفعِ عبارت معلوم!
دُردِ یک ساغرِ غفلت ہے۔ چہ دنیا و چہ دیں
مثلِ مضمونِ وفا باد بدستِ تسلیم
صورتِ نقشِ قدم خاک بہ فرقِ تمکیں
عشق بے ربطئ شیرازہ اجزائے حواس
وصل، زنگارِ رخِ آئینۂ حسنِ یقیں
کوہکن، گرسنہ مزدورِطرب گاهِ رقیب
بے ستوں، آئینۂ خوابِ گرانِ شیریں
کس نے دیکھا نفسِ اہلِ وفا آتش خیز
کس نے پایا اثرِ نالۂ دل ہائے حزیں!
سامعِ زمزمۂ اہلِ جہاں ہوں، لیکن
نہ سرو برگِ ستائش، نہ دماغِ نفریں
کس قدر ہَرزه سرا ہوں کہ عیاذا با
یک قلم خارجِ آدابِ وقار و تمکیں
نقشِ لاحول لکھ اے خامۂ ہذیاں تحریر
یا علی عرض کر اے فطرتِ وسواسِ قریں
مظہرِ فیضِ خدا، جان و دلِ ختمِ رسل
قبلۂ آلِ نبی (ص)، کعبۂ ایجادِ یقیں
ہو وه سرمایۂ ایجاد جہاں گرمِ خرام
ہر کفِ خاک ہے واں گَردہ تصویرِ زمیں
جلوه پرداز ہو نقشِ قدم اس کا جس جا
وه کفِ خاک ہے ناموسِ دو عالم کی امیں
نسبتِ نام سے اس کی ہے یہ رُتبہ کہ رہے
اَبَداً پُشتِ فلک خَم شدہ نازِ زمیں
فیضِ خُلق اس کا ہی شامل ہے کہ ہوتا ہے سدا
بوئے گل سے نفسِ بادِ صبا عطرآگیں
بُرّشِ تیغ کا اس کی ہے جہاں میں چرچا
قطع ہو جائے نہ سر رشتۂ ایجاد کہیں
کُفر سوز اس کا وه جلوه ہے کہ جس سے ٹوٹے
رنگِ عاشق کی طرح رونقِ بت خانۂ چیں
جاں پناہا! دل و جاں فیض رسانا! شاہا!
وصئِ ختمِ رسُل تو ہے بہ فتوائے یقیں
جسمِ اطہر کو ترے دوشِ پیمبر منبر
نامِ نامی کو ترے ناصیۂ عرش نگیں
کس سے ممکن ہے تری مدح بغیر از واجب
شعلۂ شمع مگر شمع پہ باندھے آئیں
آستاں پر ہے ترے جوہرِ آئینۂ سنگ
رَقَمِ بندگئ حضرتِ جبریلِ امیں
تیرے در کے لئے اسبابِ نثار آماده
خاکیوں کو جو خدا نے دیئے جان و دل و دیں
تیری مدحت کے لئے ہیں دل و جاں کام و زباں
تیری تسلیم کو ہیں لَوح و قلم دست و جبیں
کس سے ہو سکتی ہے مدّاحئ ممدوحِ خدا
کس سے ہو سکتی ہے آرائشِ فردوسِ بریں!
ق
جنسِ بازارِ معاصی اسدؔ لله اسدؔ
کہ سوا تیرے کوئی اس کاخریدار نہیں
شوخئ عرضِ مطالِب میں ہے گستاخِ طلب
ہے ترے حوصلۂ فضل پہ از بس کہ یقیں
دے دعا کو مری وه مرتبۂ حسنِ قبول
کہ اجابت کہے ہر حرف پہ سو بار آمیں
غمِ شبّیر سے ہو سینہ یہاں تک لبریز
کہ رہیں خونِ جگر سے مری آنکھیں رنگیں
طبع کو الفتِ دُلدُل میں یہ سرگرمئ شوق
کہ جہاں تک چلے اس سے قدم اور مجھ سے جبیں
دلِ الفت نسب و سینۂ توحید فضا
نگہِ جلوه پرست و نفسِ صدق گزیں
صَرفِ اعدا اثرِ شعلۂ دودِ دوزخ
وقفِ احباب گُل و سنبلِ فردوسِ بریں
حضرت علی کے لئے
دہر جُز جلوہ یکتائِ معشوق نہیں
ہم کہاں ہوتے اگر حسن نہ ہوتا خود بیں
بے دلی ہائے تماشا کہ نہ عبرت ہے نہ ذوق
بے کسی ہائے تمنّا کہ نہ دنیا ہے نہ دیں
ہَرزه ہے نغمۂ زیروبمِ ہستی و عدم
لغو ہے آئینۂ فرقِ جنون و تمکیں
نقشِ معنی ہمہ خمیازہ عرضِ صورت
سخنِ حق ہمہ پیمانۂ ذوقِ تحسیں
لافِ دانش غلط و نفعِ عبارت معلوم!
دُردِ یک ساغرِ غفلت ہے۔ چہ دنیا و چہ دیں
مثلِ مضمونِ وفا باد بدستِ تسلیم
صورتِ نقشِ قدم خاک بہ فرقِ تمکیں
عشق بے ربطئ شیرازہ اجزائے حواس
وصل، زنگارِ رخِ آئینۂ حسنِ یقیں
کوہکن، گرسنہ مزدورِطرب گاهِ رقیب
بے ستوں، آئینۂ خوابِ گرانِ شیریں
کس نے دیکھا نفسِ اہلِ وفا آتش خیز
کس نے پایا اثرِ نالۂ دل ہائے حزیں!
سامعِ زمزمۂ اہلِ جہاں ہوں، لیکن
نہ سرو برگِ ستائش، نہ دماغِ نفریں
کس قدر ہَرزه سرا ہوں کہ عیاذا با
یک قلم خارجِ آدابِ وقار و تمکیں
نقشِ لاحول لکھ اے خامۂ ہذیاں تحریر
یا علی عرض کر اے فطرتِ وسواسِ قریں
مظہرِ فیضِ خدا، جان و دلِ ختمِ رسل
قبلۂ آلِ نبی (ص)، کعبۂ ایجادِ یقیں
ہو وه سرمایۂ ایجاد جہاں گرمِ خرام
ہر کفِ خاک ہے واں گَردہ تصویرِ زمیں
جلوه پرداز ہو نقشِ قدم اس کا جس جا
وه کفِ خاک ہے ناموسِ دو عالم کی امیں
نسبتِ نام سے اس کی ہے یہ رُتبہ کہ رہے
اَبَداً پُشتِ فلک خَم شدہ نازِ زمیں
فیضِ خُلق اس کا ہی شامل ہے کہ ہوتا ہے سدا
بوئے گل سے نفسِ بادِ صبا عطرآگیں
بُرّشِ تیغ کا اس کی ہے جہاں میں چرچا
قطع ہو جائے نہ سر رشتۂ ایجاد کہیں
کُفر سوز اس کا وه جلوه ہے کہ جس سے ٹوٹے
رنگِ عاشق کی طرح رونقِ بت خانۂ چیں
جاں پناہا! دل و جاں فیض رسانا! شاہا!
وصئِ ختمِ رسُل تو ہے بہ فتوائے یقیں
جسمِ اطہر کو ترے دوشِ پیمبر منبر
نامِ نامی کو ترے ناصیۂ عرش نگیں
کس سے ممکن ہے تری مدح بغیر از واجب
شعلۂ شمع مگر شمع پہ باندھے آئیں
آستاں پر ہے ترے جوہرِ آئینۂ سنگ
رَقَمِ بندگئ حضرتِ جبریلِ امیں
تیرے در کے لئے اسبابِ نثار آماده
خاکیوں کو جو خدا نے دیئے جان و دل و دیں
تیری مدحت کے لئے ہیں دل و جاں کام و زباں
تیری تسلیم کو ہیں لَوح و قلم دست و جبیں
کس سے ہو سکتی ہے مدّاحئ ممدوحِ خدا
کس سے ہو سکتی ہے آرائشِ فردوسِ بریں!
ق
جنسِ بازارِ معاصی اسدؔ لله اسدؔ
کہ سوا تیرے کوئی اس کاخریدار نہیں
شوخئ عرضِ مطالِب میں ہے گستاخِ طلب
ہے ترے حوصلۂ فضل پہ از بس کہ یقیں
دے دعا کو مری وه مرتبۂ حسنِ قبول
کہ اجابت کہے ہر حرف پہ سو بار آمیں
غمِ شبّیر سے ہو سینہ یہاں تک لبریز
کہ رہیں خونِ جگر سے مری آنکھیں رنگیں
طبع کو الفتِ دُلدُل میں یہ سرگرمئ شوق
کہ جہاں تک چلے اس سے قدم اور مجھ سے جبیں
دلِ الفت نسب و سینۂ توحید فضا
نگہِ جلوه پرست و نفسِ صدق گزیں
صَرفِ اعدا اثرِ شعلۂ دودِ دوزخ
وقفِ احباب گُل و سنبلِ فردوسِ بریں
