قطرہ مے بس کہ حیرت سے نفس پرور ہوا

قطرہ مے بس کہ حیرت سے نفس پرور ہوا
قطرہ مے بس کہ حیرت سے نفس پرور ہوا
خطِّ جامِ مے سراسر رشتۂ گوہر ہوا
اعتبارِ عشق کی خانہ خرابی دیکھنا
غیر نے کی آه لیکن وه خفا مجھ پر ہوا
گرمئِ دولت ہوئی آتش زنِ نامِ نکو
خانۂ ماتم میں یاقوتِ نگیں اخگر ہوا
نشّے میں گُم کرده ره آیا وه مستِ فتنہ خو
آج رنگِ رفتہ دورِ گردشِ ساغر ہوا
درد سے در پرده دی مژگاں سیاہاں نے شکست
ریزه ریزه استخواں کا پوست میں نشتر ہوا
اے بہ ضبطِ حال خو نا کردگاں جوشِ جنوں
نشٓۂ مے ہے اگر یک پرده نازک تر ہوا
زُہد گر دیدن ہے گِردِخانہ ہائے منعماں
دانۂ تسبیح سے میں مہره در ششدر ہوا
اس چمن میں ریشہ واری جس نے سر کھینچا اسدؔ
تر زبانِ شکرِ لطفِ ساقئِ کوثر ہوا