نفس نہ انجمنِ آرزو سے باہر کھینچ

نفس نہ انجمنِ آرزو سے باہر کھینچ
نفس نہ انجمنِ آرزو سے باہر کھینچ
اگر شراب نہیں انتظارِ ساغر کھینچ
“کمالِ گرمئ سعیِ تلاشِ دید” نہ پوچھ
بہ رنگِ خار مرے آئینہ سے جوہر کھینچ
تجھے بہانۂ راحت ہے انتظار اے دل!
کیا ہے کس نے اشاره کہ نازِ بسترکھینچ
تری طرف ہے بہ حسرت نظارہ نرگس
بہ کورئ دل و چشمِ رقیب ساغر کھینچ
بہ نیم غمزه ادا کر حقِ ودیعتِ ناز
نیامِ پردہ زخمِ جگر سے خنجر کھینچ
مرے قدح میں ہے صہبائے آتشِ پنہاں
بروئے سُ فره کبابِ دلِ سمندر کھینچ
نہ کہہ کہ طاقتِ رسوائِ وصال نہیں
اگر یہی عَرَقِ فتنہ ہے، مکرّر کھینچ
جنونِ آئینہ مشتاقِ یک تماشا ہے
ہمارے صفحے پہ بالِ پری سے مسطر کھینچ
خمارِ مِنّتِ ساقی اگر یہی ہے اسدؔ
دل گداختہ کے مے کدے میں ساغر کھینچ