تاته دې ډالۍ وي…ژوند مې
مینی سلام سلام خوشاله اوسې
په وجود جوړه او سو کاله اوسې
تر هر څه مخه دې اختر مبارک
تاته د مینې ډک نظر مبارک
د پلار او مور تر څنګ شیبې ولرې
د خور او ورور تر څنګ شیبې ولرې
ای پښتنې مینې درتلای نه شمه
بس پښتانه یو تا لیدای نه شمه
خو ستا په سر قسم چې یاده مې یې
هره لحظه هر قدم یاده مې یې
تاته په تمه یمه ډیر جانانه
زما له ژونده یې چاپیر جانانه
ګرانې ددې ګیله من نه یمه زه
خیر که لایق د دیدن نه یمه زه
ورځ به یې راشي خیر دی پویه به شې
عمر دې ډیر شه خیر دی لویه به شې
خدای خو لرو شپه به سهار شي آخر
د کور مشران به مو هوښیار شي آخر
د خپل اولاد د زړه په حال به پوه شي
هم په ثواب هم په اوبال به پوه شي
د پاکې مینې زور به دوی وګوري
زمونږ د مینې ژوند به لوی وګوري
هغوی هم ګرم نه دي نو څنګه وکړي؟
دوستي به څنګه بې له جنګه وکړي؟
ته يې په سخته لویه کړې یې مور
همدې مقام ته خو راوړې یې مور
نن خو د ټولو زحمتونو بیه
پر تا د شویو مصرفونو بیه
تا خرڅوي او دا مصرف به باسي
تا د خوشال ژوندون له صف به باسي
خو زه یقین په خپله مینه لرم
زه هم پښتون یم سر او وینه لرم
څو چې ژوندی یمه تا نه هیروم
چې نه هیریږې زه به څه هیروم
خو جدایي مو هیڅ امکان نه لري
ګودر خو بې له تانه ځان نه لري
مبارزه به کوو ستړي دې وو
د رواجونو فکر وړي دې وو
درسره مینه لرم زړه مې ته یې
لوی انتتخاب د ژوندانه مې ته یې
دا پاتې ژوند درته خوشبخته غواړم
له خدای هر څه درته هر وخته غواړم
ګودر ځاځی له یاده ونه باسې
دا لیونی له یاده ونه باسې
ورځ به یې راشي چې سلام ته درشم
دا پکتیاوال مارغه به بام ته درشم
نور دې په خدای سپارمه خدای دې مل شه
بس اجازه غواړمه خدای دې مل شه
ستاسو کشر….ستاسو ګودر
1392 کوچني اختر
شمشاد تلویزیون
مینی سلام سلام خوشاله اوسې
په وجود جوړه او سو کاله اوسې
تر هر څه مخه دې اختر مبارک
تاته د مینې ډک نظر مبارک
د پلار او مور تر څنګ شیبې ولرې
د خور او ورور تر څنګ شیبې ولرې
ای پښتنې مینې درتلای نه شمه
بس پښتانه یو تا لیدای نه شمه
خو ستا په سر قسم چې یاده مې یې
هره لحظه هر قدم یاده مې یې
تاته په تمه یمه ډیر جانانه
زما له ژونده یې چاپیر جانانه
ګرانې ددې ګیله من نه یمه زه
خیر که لایق د دیدن نه یمه زه
ورځ به یې راشي خیر دی پویه به شې
عمر دې ډیر شه خیر دی لویه به شې
خدای خو لرو شپه به سهار شي آخر
د کور مشران به مو هوښیار شي آخر
د خپل اولاد د زړه په حال به پوه شي
هم په ثواب هم په اوبال به پوه شي
د پاکې مینې زور به دوی وګوري
زمونږ د مینې ژوند به لوی وګوري
هغوی هم ګرم نه دي نو څنګه وکړي؟
دوستي به څنګه بې له جنګه وکړي؟
ته يې په سخته لویه کړې یې مور
همدې مقام ته خو راوړې یې مور
نن خو د ټولو زحمتونو بیه
پر تا د شویو مصرفونو بیه
تا خرڅوي او دا مصرف به باسي
تا د خوشال ژوندون له صف به باسي
خو زه یقین په خپله مینه لرم
زه هم پښتون یم سر او وینه لرم
څو چې ژوندی یمه تا نه هیروم
چې نه هیریږې زه به څه هیروم
خو جدایي مو هیڅ امکان نه لري
ګودر خو بې له تانه ځان نه لري
مبارزه به کوو ستړي دې وو
د رواجونو فکر وړي دې وو
درسره مینه لرم زړه مې ته یې
لوی انتتخاب د ژوندانه مې ته یې
دا پاتې ژوند درته خوشبخته غواړم
له خدای هر څه درته هر وخته غواړم
ګودر ځاځی له یاده ونه باسې
دا لیونی له یاده ونه باسې
ورځ به یې راشي چې سلام ته درشم
دا پکتیاوال مارغه به بام ته درشم
نور دې په خدای سپارمه خدای دې مل شه
بس اجازه غواړمه خدای دې مل شه
ستاسو کشر….ستاسو ګودر
1392 کوچني اختر
شمشاد تلویزیون
