ҶОМИ ДИГАР – Лоик Шерали

ҶОМИ ДИГАР

Ин манам бохтадил,
Ошиқи ҷон ба гарав –
Ошиқи тозагуле
Аз ҳама куҳнаву нав.

Соқиё, ҷоми дигар, ҷоми дигар, ҷоми дигар,
Ки дилам хун шуда аз ишқи гуландоми дигар.

Меравам хандазанон,
Дар дилам нолаи ишқ,
Зоҳиран марди бузург,
Лек бечораи ишқ.

Соқиё, ҷоми дигар, ҷоми дигар, ҷоми дигар,
Ки дилам хун шуда аз ишқи гуландоми дигар.

Эй, ки ғафлатзадаӣ,
Ошиқӣ мегузарад.
Аз раҳи шеъру суруд
Лоиқе мегузарад.

Соқиё, ҷоми дигар, ҷоми дигар, ҷоми дигар,
Ки дилам хун шуда аз ишқи гуландоми дигар.

[1986]

Share:

Leave a Reply

Your email address will not be published. Required fields are marked *