Эй дил, эй дил, зинда дар дунёӣ бо дунёи худ,
Метапӣ рӯзу шабон бо ҷумла армонҳои худ.
Гарчи ҳар дам мебарандат ҷилваҳои гулрухон,
Меравию боз побарҷостӣ дар ҷои худ.
Гарчи аз савдои дил савдои пул болотар аст,
Бо ҳама савдогарон покӣ ту бо савдои худ.
Аз ғами худ бештар хурдӣ ғами айёмро,
Баски дар айём дорӣ роҳи худ, ҳам рои худ.
Эй сарат бодо саломат дар ҷаҳони бесарӣ,
То чунин сарзиндаӣ бо шеъру бо иншои худ.
Гар чунин пои муборак дорӣ дар иқлими ишқ,
Мерасӣ то боргоҳи ҷовидон бо пои худ…
[1988]
Метапӣ рӯзу шабон бо ҷумла армонҳои худ.
Гарчи ҳар дам мебарандат ҷилваҳои гулрухон,
Меравию боз побарҷостӣ дар ҷои худ.
Гарчи аз савдои дил савдои пул болотар аст,
Бо ҳама савдогарон покӣ ту бо савдои худ.
Аз ғами худ бештар хурдӣ ғами айёмро,
Баски дар айём дорӣ роҳи худ, ҳам рои худ.
Эй сарат бодо саломат дар ҷаҳони бесарӣ,
То чунин сарзиндаӣ бо шеъру бо иншои худ.
Гар чунин пои муборак дорӣ дар иқлими ишқ,
Мерасӣ то боргоҳи ҷовидон бо пои худ…
[1988]
