Бархезу Сабӯҳро Барангез – Мавлоно Ҷалолуддини Балхӣ

Бархезу сабӯҳро барангез,
Ҷон бахш замонарову мастез!
Омехта бош бо ҳарифон,
Бо об шаробро маёмез!
Ёди ту шаробу ёди мо об,
Мо чун сари хар, ту ҳамчу полез!
Ай ғам, аҷалат дар ин қанина -ст,
Гар мурданат орзӯст, магрез!
Марги нафас аст дар таҷаллӣ,
Марги ҷуъал аст дар абирбез.
Маҷлис чаман асту гул шукуфа,
Ай соқии ҳамчу сарв, бархез!
Ин ҷоми мушаъшаъ, он гаҳе шарм?
Соқӣ чу туйӣ, хатост парҳез!
Моро чу рухи хушат барафрӯз,
Ғамро чу адӯйи худ даровез!
Ҳиштем ғазал, ки навбати туст,
Мардона дарову чусту сартез!