Лутфе Намонд К-Он Санами Хушлиқо Накард – Мавлоно Ҷалолуддини Балхӣ

Лутфе намонд, к-он санами хушлиқо накард,
Моро чӣ ҷурм, агар карамаш бо шумо накард?!
Ташнеъ мезанӣ, ки ҷафо кард он нигор,
Хубе кӣ дид дар ду ҷаҳон, к-ӯ ҷафо накард?!
Ишқаш шакар бас аст, агар ӯ шакар надод,
Ҳуснаш ҳама вафост, агар ӯ вафо накард!
Бинмой хонае, ки аз ӯ нест пурчароғ,
Бинмой суффае, ки рухаш пурсафо накард?!
Ин чашму он чароғ ду нуранд ҳар яке,
Чун он ба ҳам расид, касешон ҷудо накард!
Чун рӯҳ дар назора фано гашт, ин бигуфт:
“Наззораи ҷамоли Худо ҷуз Худо накард!”.
Ҳар як аз ин мисол баён асту муғлата-ст,
Ҳақ ҷуз зи рашки номи рухаш “ваззуҳо” накард.
Хуршеди рӯйи мафхари Табрез – Шамси дин
Бар фоние натофт, ки онро бақо накард!
Share:

Leave a Reply

Your email address will not be published. Required fields are marked *