Моем Фидойиёни Ҷонбоз – Мавлоно Ҷалолуддини Балхӣ

Моем фидойиёни ҷонбоз,
Густоху далеру ҷисмпардоз!
Ҳайф аст, ки ҷони поки моро
Бошад тани хоксор анбоз!
З-оғоз ҳама ба охир оянд,
З-охир биравем мо ба оғоз!
Ҳин, бозпаред ҷумла ёрон,
Шаҳ боз бикӯфт табли шаҳбоз!
Шаш сӯй мапар, бипар аз он сӯ,
К-андар дили ту расид овоз!
Ҳон, ай дили хаста, нақли моро
Рӯзе ду-се мондааст, месоз!
Гар хориву гар азизӣ ин ҷо,
З-он сӯст бақову мулку иъзоз!
Макшой пари сухан, к-аз он сӯ
Бе пар бошад ҳамеша парвоз!
Пӯсти сухан аст, ин чи гуфтам,
Аз пӯст кӣ ёфт мағзи он роз?!