Натонӣ Омадан Ин Роҳ Бо Ман – Мавлоно Ҷалолуддини Балхӣ

Натонӣ омадан ин роҳ бо ман,
Куҷо дорад ҳариса пойи равған?!
Вале ҳамроҳиву бо ту бисозам,
Ки чашми ман ба рӯйи туст равшан!
Чу аз роҳат бибурдам, шарт набвад
Миёни роҳ тарки дӯст кардан!
Бағалҳоят бигирам ҳамчу пирон,
Чу тифлонат ниҳам гоҳе ба гардан!
Чу одам тавба кун аз хӯшачинӣ,
Чу киштӣ базр, они туст хирман!
Даҳон барбанд, гӯши фаҳм баста-ст,
Магӯ чизе, ки менояд ба гуфтан!
Share:

Leave a Reply

Your email address will not be published. Required fields are marked *