Пунба Зи Гӯш Дур Кун Бонги Наҷот Мерасад – Мавлоно Ҷалолуддини Балхӣ

Пунба зи гӯш дур кун, бонги наҷот мерасад,
Оби сиёҳ- дар марав, к-оби ҳаёт мерасад!
Навбати ишқ Муштарӣ бар сари чарх мезанад,
Баҳри равони ошиқон сад салавот мерасад!
Ҷумла чу шаҳду шир шав в-аз худи худ фақир шав,
З – он ки зи шаҳ фақирро ушру закот мерасад!
Раҳмати ӯст, к-обу гил толиби дил ҳамешавад,
Ҷазбаи ӯст, к-аз башар савму салот мерасад!
Дар зуламоти ибтило сабр куну макун ибо,
К-оби ҳаёт Хизрро дар зуламот мерасад!