Шамси дин бар Юсуфону нозанинон нозанин,
Бар сари ҷумла шаҳону сарфарозон нозанин!
Бар сарону сарварон сад сар зиёда ҷоҳи ӯ,
Дар миёни восилони лутфи раҳмон нозанин!
Ӯ ба авсофи илоҳӣ гашта мавсуфи камол,
Бар сариру бар сарони тахти султон нозанин!
Базмро аз вай ҷамолу размро аз вай ҷалол,
Ҳам ба базму ҳам ба разми лутфи кайҳон нозанин!
Пеши ӯ бинҳода мифтоҳи хазойинҳои хос,
Карда аз ишқу муҳаббатҳош Яздон нозанин!
Дар миёни сад ҳазорон моҳ ӯ тобон чу хур,
Васфи ӯ андар миёни васфи шоҳон нозанин!
Он ки хоки пош шуд, ӯ бар сарон шуд сарфароз,
Маст ӯ андар миёни ҷумла мастон нозанин!
Андар он мавҷе, ки хосон бар ҳазар бошанд аз он,
Андар он мавҷи хатар ӯ хуфта осон нозанин!
Бар сари ҷумла шаҳону сарфарозон нозанин!
Бар сарону сарварон сад сар зиёда ҷоҳи ӯ,
Дар миёни восилони лутфи раҳмон нозанин!
Ӯ ба авсофи илоҳӣ гашта мавсуфи камол,
Бар сариру бар сарони тахти султон нозанин!
Базмро аз вай ҷамолу размро аз вай ҷалол,
Ҳам ба базму ҳам ба разми лутфи кайҳон нозанин!
Пеши ӯ бинҳода мифтоҳи хазойинҳои хос,
Карда аз ишқу муҳаббатҳош Яздон нозанин!
Дар миёни сад ҳазорон моҳ ӯ тобон чу хур,
Васфи ӯ андар миёни васфи шоҳон нозанин!
Он ки хоки пош шуд, ӯ бар сарон шуд сарфароз,
Маст ӯ андар миёни ҷумла мастон нозанин!
Андар он мавҷе, ки хосон бар ҳазар бошанд аз он,
Андар он мавҷи хатар ӯ хуфта осон нозанин!
